50 гадоў пасля ІІ Ватыканскага сабора: кардынал Кох на сустрэчы ў Вене
Старшыня Папскай рады
спрыяння хрысціянскаму адзінству кардынал Курт Кох прыме ўдзел у сустрэчы прысвечанай
ІІ Ватыканскаму Сабору і яго ўплыву на экуменізм. Яна пройдзе 23 красавіка ў Венскім
універсітэце. Ватыканскі іерарх павядзе размову аб “Зменах у экуменізме. Будучым патэнцыяле
дэкрэту аб экуменізме “Unitatis Redintegratio”. На форум запрошаны таксама пратэстанцкія
і праваслаўныя іерархі і тэолагі. Экуменічная сустрэча з’яўляецца заключнай у шэрагу
мерапрыемстваў факультэта каталіцкай тэалогіі ўніверсітэта, прысвечаным 50-годдзю
пачатку ІІ Ватыканскага сабору. Галоўная падзея адбылася ў сярэдзіне студзеня 2011
г. у Венскім універсітэце, калі вядомыя тэолагі з нямецкамоўных краін вялі дыскусію
аб душпастырскім і літургічным аспектах Сабору і абмяркоўвалі перспектывы на будучыню.
Дэкрэт
аб экуменізме “Unitatis Redintegratio” быў прыняты на Саборы 21 лістапада 1964 г.
З ім пачаўся новы этап у навучанні і дзейнасці Касцёла, які характэрызуецца большай
адкрытасцю на праваслаўных і пратэстантаў.