Imzot Mirdita: Krishti Gjallë na tregon udhën e shpresës

“Në qoftë se Krishti nuk është Ngjallur, atëherë predikimi ynë është i zbrazët dhe
besimi juaj është gjithashtu i zbrazët.... Dhe në qoftë se Krishti nuk është
Ngjallur, besimi juaj është kotë; juve jeni në mëkatet tuaja!” (1 Kor 15,14-17)
Kështu shkruna shën Pali Apostull, e në mesazhin e Pashkëve 2012 kryeipeshkvi i Tiranë-Durrësit imzot Rrok Mirdita ndelt te kjo e vërtetë themelore e fesë së krishterë. Në të vërtetë ne “predikojmë Krishtin e kryqëzuar,” ashtu sikundër Shën
Pali shkruan në vend tjetër, është vetëm nëpërmjet Ngjalljes së lavdishme që
Kryqëzimi merr çdo kuprim real. Kryqi – ajo shenjë e tmerrshme e vdekjes dhe e
prishjes – transformohet në një shenjë të fitores, të simbolit themelor të prezencës
së Hyjit si dhe të njeridashjes dhe faljes. Kështu, ndërkohë që ne predikojmë
Krishtin e kryqëzuar, ne shikojmë përtej kryqit dhe varrit të zbrazët, në të cilin
zbulojmë Krishtin e Gjallë i Cili zbrazi Vetvehten, vetëm e vetëm që të na siguronte se
predikimi ynë dhe besimi ynë nuk janë të zbrazët apo të kotë, Krishti i Gjallë i Cili na do ne aq shumë sa që Ai me gjithë kuptimin e fjalës jep jetën e Tij që ne të mos mbetemi
robër të mëkatit, prishjes, dhe së fundmi, vetë vdekjes. Krishti i Ngjallur na ringjalltë, ma ripërtërirtë, e përforcoftë në dashuri, respekt e paqe, kësaj periudhe të ngazëllyer, si dhe çdo ditë të jetës sonë, kështu që në të gjitha gjërat, Ai dhe vetëm Ai të jetë i lavdëruar e pik referimi për atë që e do të vërtetën, lirinë, mirësinë dhe jetën! “Qofshin këto Pashkë ngushëllim për të gjithë ata që vuajnë dhe burim shprese për të gjithë njerëzit”-tha ai. Sipas tij, Pashkët nuk janë një ngjarje që i përkasin vetëm krishterimit, por një zbulim hyjnor që prek mbarë njerëzimin në thelbin e tij dhe hedh dritë mbi misterin e vdekjes.
“Kjo dritë është drita e dashurisë që shpëton. Për dashurinë e njerëzve Zoti është bërë njeri, për dashurinë dhe besnikërinë ndaj nesh ka vdekur në kryq. Pikërisht kjo dashuri besnike e ka mundur vdekjen me Ngjalljen e Krishtit. Kush e ka kërkuar të ringjallurin ka njohur dashurinë që shpëton dhe ka themeluar jetën e vet mbi besimin në këtë dashuri”- pohoi imzot Rrok Mirdita. Po ta dëgjojmë mesazhin e Pashkëve nga kryeipeshkvi i Tiranë-Durrësit imzot Rrok Mirdita…..