“Citroën” ахвяраваў Ватыкану два новыя электрамабілі
Для забеспячэння большай
бяспекі турыстаў і пілігрымаў на плошчы св. Пятра аўтамабільны канцэрн “Citroën” ахвяраваў
Ватыкану два электрамабілі ўласнай вытворчасці. Імі будуць карыстацца паліцэйскія,
якія сочаць за парадкам на плошчы. Электрамабілі прыбылі ў Ватыкан некалькі дзён таму.
Прадстаўнікі паліцыі паведамілі, што гэта версія “Citroën C-zero”, аўтамабілі якой
увогуле не выкарыстоўваюць паліва і таму маюць нулявы ўзровень выкідаў дыаксіду вуглярода,
увогуле не ствараюць шуму і такім чынам з’яўляюцца поўнасцю спрыяльнымі для асяроддзя.
Аўтамабіль
можа ехаць з хуткасцю 130 км у гадзіну, яго акамулятары трэба зараджаць кожныя 8 гадзін.
Канцэрн “Citroën” у спецыяльнай заяве выказвае радасць, што зрабіў канкрэтны ўклад
у абарону навакольнага асяроддзя, на што асаблівую ўвагу звяртае папа Бэнэдыкт ХVI.
Ініцыятыва падтрымлівае таксама намаганні ўладаў Рыма, якія шукаюць спосабы паляпшэння
экалагічнай сітуацыі ў горадзе.