Вялікая Пятніца: католікі дапамагаюць Касцёлу ў Святой Зямлі
6 красавіка, у Вялікую
Пятніцу, ва ўсім свеце будзе праходзіць традыцыйны збор ахвяраванняў на падтрымку
і развіццё Каталіцкага Касцёла ў Святой Зямлі. Аб ініцыятыве “Collecta pro Terra Sancta”
было абвешчана яшчэ 1 сакавіка ў спецыяльным паведамленні Кангрэгацыі па справах Усходніх
Касцёлаў, падпісаным прэфектам гэтай дыкастэрыі кардыналам Леанарда Сандры. У тэксце
адзначаецца, што цяперашнія цяжкасці, з якімі вымушаны сутыкацца хрысціяне Святой
Зямлі, з’яўляюцца іх укладам у лепшую будучыню. Аднак, патрэбна падтрымка школ, сферы
медыцынскай дапамогі, вырашэнне жыллёвых праблем і клопат аб супольных месцах культу
ў гэтым рэгіёне. “Мы маем абавязак адудзячыць за тую духоўную спадчыну, якую атрымалі
дзякуючы іх вернасці праўдам хрысціянскай веры”, - напісаў кардынал Сандры.
Сродкі,
якія будуць сабраны ў Вялікую Пятніцу ва ўсіх касцёлах свету, пойдуць на падтрымку
душпастырскай дзейнасці 285 францішканаў, утрыманне 50 санктуарыяў і 24 парафій, шматлікіх
школ, дамоў для хворых, прытулкаў, дамоў пілігрымаў.