Каталіцкі Касцёл у Святой Зямлі хоча перанесці дату Вялікадня
Каталіцкі Касцёл у
Святой Зямлі плануе ў будучым святкаваць Вялікдзень ў адпаведнасці з праваслаўным
календаром. Прычына ў вялікай колькасці змешаных сем’яў, заявіў францысканскі кусташ
Святой Зямлі Пьербаціста Піццабалла. Усходнія цэрквы вызначаюць дату святкавання Пасхі
па старым юліянскім календары, ужываючы іншы спосаб разліку. Ну думку айца Піццабаллы,
у экуменічным дыялогу дата Вялікадня з’яўляецца адной з асноўных перашкод.
Прадстаўнік
Касцёла заявіў, што “альтэрнатыўная” дата Вялікадня для каталіцкай супольнасці, верагодна,
будзе ўведзена ў наступным годзе, калі праваслаўныя будуць святкаваць Вялікдзень 5
мая; Касцёлы заходняй традыцыі адзначаць Пасху ў 2013 г. на пяць тыдняў раней, 31
сакавіка.
Айцец Піццабалла тлумачыць перанясенне даты душпастырскімі прычынамі.
“Большасць хрысціянскіх сем’яў у Святой Зямлі з’яўляюцца канфесійна змешанымі”, сказаў
францысканскі кусташ. З прапанаванай схемы будуць выключаны Іерусаліская базыліка
Гробу Пана і базыліка Нараджэння ў Бэтлееме. Там з 1852 дзейнічае “Status quo”, які
дакладна вызначае выкарыстанне гэтых святых месцаў рознымі канфесіямі, чаго не магчыма
змяніць.