Кардынал Антанэллі: сям’я, праца і святы – тры асноўныя вымярэнні жыцця
Кардынал Энніо Антанэллі,
старшыня Папскай рады па справах сям’і ў інтэрв’ю агенцтву “SIR” паведаміў, што ў
сённяшнім свеце “сям’я, праца і святы з’яўляюцца трыма асноўнымі вымярэннямі чалавечага
жыцця, жыцця карыснага для чалавека, якое адзначаецца поўным развіццём асобы і грамадства”.
Іерарх адзначыў, што Еўропа перажывае сур’ёзны крызіс, перш за ўсё крызіс сям’і, нараджальнасці
і адукацыі. Кардынал Антанэллі падкрэсліў, што падрыхтоўчыя працы да 7-й Сусветнай
сустрэчай сем’яў, якая будзе праходзіць у італьянскім Мілане з 30 мая па 3 чэрвеня
адбываюцца ва ўсіх дыяцэзіях свету, ужо зроблены пераклады падрыхтоўчых катахезаў
на 11 мовах, у тым ліку на арабскай. Іерарх адзначыў, што ў многіх краінах адбываецца,
ці ўжо адбыўся, так званы “тыдзень сям’і”, як падрыхтоўчы этап да сустрэчы у Мілане.
“Папская рада намагаецца дапамагчы прыбыць на сустрэчу таксама сем’ям з бедных краін.
Дзякуючы дапамозе спонсараў у Мілан прыедуць прадстаўнікі з Конга, Чаду, Руанды, Шры
Ланкі, Перу, Кубы і Албаніі”, - паведаміў іерарх. Кардынал Антанэллі падкрэсліў, што
колькасць такіх краін можа павялічыцца.