திபெத்திய புத்தமதத் தலைவர் தலாய் லாமாவுக்கு, Templeton விருது
மார்ச்31,2012. திபெத்திய புத்தமதத் தலைவர் தலாய் லாமாவுக்கு, 2012ம் ஆண்டுக்கான Templeton
விருது வழங்கப்படுவதாக அறிவிக்கப்பட்டுள்ளது. அறிவியலின் பல்வேறு கூறுகளோடும், தனது
சமய மரபையும் கடந்து பிற மக்களோடும் சேர்ந்து உலகளாவிய அறநெறிகளுக்காக, தலாய் லாமா குரல்
கொடுத்து வருவதைக் கவுரவிக்கும் நோக்கத்தில் இவ்விருது வழங்கப்படுவதாக, Templeton விருதுக்
குழு தெரிவித்தது. ஏறக்குறைய 17 இலட்சம் டாலர் பெறுமான இவ்விருது, வருகிற மே மாதம்
14ம் தேதி இலண்டனில் தலாய் லாமாவுக்கு அளிக்கப்படும். 1989ம் ஆண்டில் தலாய் லாமாவுக்கு
நொபெல் அமைதி விருது வழங்கப்பட்டது குறிப்பிடத்தக்கது. மேற்கு சீனாவில் 1935ம் ஆண்டு
ஜூலை 6ம் தேதி பிறந்த, இந்தத் திபெத்திய புத்தமதத் தலைவரான Tenzin Gyatsoவுக்கு 2 வயது
நடந்த போது, 14வது தலாய் லாமாவாக அறிவிக்கப்பட்டார்.