Творы Шагала з Ватыканскіх музеяў магчыма прыбудуць у Беларусь
29 сакавіка па ініцыятыве
Апостальскага Нунцыя ў Рэспубліцы Беларусь арцыбіскупа Клаўдыё Гуджэроцці адбылася
рабочая сустрэча з Міністрам культуры Беларусі Паўлам Латушкам. Падчас сустрэчы абмяркоўваліся
праекты па двухбаковым супрацоўніцтву ў сферы культуры. Павел Латушка паінфармаваў
аб стане і развіцці сучаснай культуры Беларусі. Арцыбіскуп Гуджэроцці падтрымаў ініцыятыву
ўсталявання памятнай дошкі ў гонар св. Кірыла і св. Мятода ад беларускага боку ў рымскай
базіліцы св. Клімента, у якой ужо знаходзяцца памятныя дошкі ад славянскіх краін.
Таксама абмеркоўвалася перспектыва арганізацыі ў Беларусі выставы твораў Марка
Шагала, якія знаходзяцца ў Ватыканскіх музеях.
Як адзначаецца на сайце Міністэрства
культуры, на сустрэчы была падкрэслена зацікаўленасць далейшым развіццём двухбаковых
адносін у сферы культуры.