Фідэль Кастра паведаміў, што Папа пагадзіўся сустрэцца з ім
Былы кіраўнік Кубы
Фідэль Кастра, у сваёй рубрыцы “Роздумы”, паведаміў, што 28 сакавіка сустрэнецца з
Бэнэдыктам ХVI. Кастра звяртае ўвагу на сённяшнія выклікі, перад якімі стаіць чалавецтва,
і з якімі са складанасцямі змагаюцца марксісты, хрысціяне, будысты, веруючыя і няверуючыя.
Былы кубінскі лідэр напісаў: “Я з вялікай радасцю сустрэнуся ў сераду 28 сакавіка
з папам Бэнэдыктам ХVI, падобна як раней сустракаўся з Янам Паўлам ІІ, з чалавекам,
якому сустрэчы з дзецьмі і простымі людзьмі прыносілі вялікую радасць”. Фідэль Кастра,
як паведамляе асабіста ў сваёй рубрыцы, вырашыў прасіць Святога Айца, вельмі занятага
падчас падарожжа, прысвяціць яму некалькі хвілін свайго каштоўнага часу. “Міністр
замежных спраў Кубы Бруно Радрыгес паінфармаваў мяне, што Бэнэдыкту ХVI было б вельмі
прыемна сустрэцца са мной у сціплай і простай форме”, - паведамляе Фідэль Кастра.