Мексіканскія і кубінскія СМІ паказваюць станоўчы вобраз візіту Папы
Мексіканскія СМІ у
апошні дзень прабывання Бэнэдыкта XVI у краіне станоўча выказваюцца аб чатырохдзённым
візіце. Абмеркаванне на першых старонках ідзе вакол тэмы “насілле”. “Папа заклікае
Мексіку перамагчы гандаль наркотыкамі і беднасць”, - піша “El Universal”, і ўзгадвае
важныя лічбы візіту: 640 тыс. вернікаў падчас св. Імшы ў Леоне, 200 біскупаў з краін
Лацінскай Амерыкі на сустрэчы з Папам. Штодзённік “Milenio”, тым часам, ставіць у
цэнтры унутрыпалітычную тэму: прымірэнчы поціск рук паміж двума палітычнымі ворагамі.
Экс-прэзідэнт Мексікі Вісэнтэ Фокс і левы кандыдат у прэзідэнты Андрэс Мануэль Лопес
Обрадор, як здаецца, прымірыліся падчас набажэнства падчас св. Імшы са Святым Айцом.
Кубінская
прэса таксама ставіць на першы план візіт Пантыфіка ў краіну. Дзяржаўны партыйны орган
“Granma” выйшла пад загалоўкам: “Куба чакае папу Бэнэдыкта XVI”. Газета паведамляе,
што першы горад, які прымае Папу, Санц’яга дэ Куба – падрыхтаваны да візіту.
Дзяржаўны
інтэрнэт-партал “Cubadebate”, тым часам, прапануе чытачам рэпартажы з візіту ў рэальным
часе. Мексіканская ж газета “Excelsior” падкрэслівае важнасць моманту падарожжа Пантыфіка
на Кубу: “Папа Бэнэдыкт XVI сустрэне краіну, якая знаходзіцца ў працэсе рэканструкцыі”.
Выходзячая
ў Маямі апазіцыйная да кубінскага ўраду газета “El nuevo Herald”, звяртае ўвагу на
новую хвалю арыштаў амаль 70 дысыдэнтаў на Кубе.