Պենետիկտոս ԺԶ Սրբազան Քահանայապետը Կը Տեղափոխուի Գուպա՝ Առաքելական Ճամբորդութեան Վերջին Հանգրուանը։

Գուպայի Հանրապետութիւնը Գարաիպեան Ծովու մէջտեղ գտնուող Արշիպեղագոս մըն է,շուրջ 4200 փոքր ու մեծ կղզիներով, որ ունի աւելի քան 109 քիլոմեթր քառակուսի տարածութիւն,միաժամանակ աշխարհի մէջ համայնավարութեան վերջին միջնաբերդերէն մին է ։ Կղզիներու այս խումբի գլխաւորներն են ՝՝Իզլա Տէ լա Ժուվէնթուտ՝՝ ը եւ ՝՝Գայիօ Լարկօ Տէլ Սուր՝՝ը ։
Առաջին պատմական վաւերաթուղթը Գուպայի մասին կը կրէ 24 Հոկտեմբեր 1492 թուականը,երբ Քրիսթոֆորօ Գոլոմպօ (Իտալացի երկրախոյզը եւ ծովագնացը) կը տեսնէր այս Կղզին եւ յանուն Սպանիոյ տէր կ՝ելլար Կղզիին։
Գուպայի պատմութիւնը կարելի է բաժնել յստակ երեք շրջաններու։
Գաղութային Շրջանը (1492-1898) Նոր Գաղութային Շրջանը (1902-1958) եւ Յեղափոխական Շրջանը (1959- ) ։
Գուպայի անկախութիւնը Սպանիայէն սկիզբ առաւ երբ Ամերիկայի Միացեալ Նահանգները պատերազմ հռչակելով Սպանիոյ գրաւեց Կղզին 1 Յունուար 1899ին,բայց յարաբերութիւնները ընդ մէջ Գուպայի ու Ամերիկայի մինչեւ 1 Յունուար 1959ը,այսինքն մինչեւ ֆուլկէնցիօ Պաթթիսթա-ի վարչակարգի անկումը՝ եղան բարդ եւ երկդիմի ։
1962ին է որ ֆիտէլ Գասթրօ կը հռչակէր Մարքսական ու Լենինական իր Յեղափոխութիւնը, ողջունելով բարեկամութիւնը Սովետական Միութեան եւ Ընկերվարական աշխարհին հետ ։ Եւ նոյն տարին է որ կը կը ծնի Ընկերվարական Յեղափոխութեան Միացեալ Կուսակցութիւնը, Ամերիկայի Միացեալ Նահանգներու այս Յեղափոխութեան նկատմամբ պատասխանը կ՝ըլլար ՝՝շրջափակում՝՝ որ կը տեւէ մինչեւ այսօր ։