Գուպայի Եկեղեցին. ՜՜Փոքր Եկեղեցի Մը՝ Վարչաձեւին Հետ Երկխօսութեան Մէջ,

Բնակչութեան 60 տոկոսը կնքուած է սակայն փոքրաթիւ են եկեղեցի յաճախողները։
Ասիկա երկրորդ անգամն է որ Սրբազան Քահանայապետ մը կ'այցելէ Գուպան։ Երջանկայիշատակ Յովհաննէս Պօղոս Բ 1998-ին այցելեց Գուպան, Պենետիկտոս ԺԶ Քահանայապետը 26-28 մարտ կ'այցելէ Սանդիակօ եւ Հավանա քաղաքները։ Ան հոն կը գտնէ փոքրիկ եկեղեցի մը որ կ'աշխատի երկխօսութեան մէջ մտնելու համայնավար վարչաձեւին հետ։ Գուպայի մէջ թէեւ կաթողիկէ եկեղեցւոյ արգիլուած է եկեղեցի կառուցել, սակայն անիկա միակն է որ կարողացած է կամուրջ հաստատել համայնավար վարչաձեւին հետ եւ վերջերս կարողացած է քաղաքական բանտարկեալները ազատ արձակել տալ ։
Վերջերս Գուպան հիւրընկալեց Ս. Աթոռի պետական քարտուղարը՝ կարտինալ Պերթոնէ եւ Վատիկանի ընկերային հաղորդակցութեանց նախագահը գերապայծառ Չելլին։ Այս վերջինը Ռաուլ Գասդրոյէն խնդրեց որ Եկեղեցին ոչ բացառաբար այլ բնականոն կերպով մուտք ունենայ հաղորդակցութեան միջոցներուն, լաւագոյնս կատարելու իր դերը։ Պենետիկտոս ԺԶ Քահանայապետը 2011-ի՝ յունուարին, խօսելով՝ դիւանագիտական մարմնի առջեւ մաղթած էր որ եկեղեցւոյ հետ հաստատուած երկխօսութիւնը զարգանայ ու զօրանայ։