Përshëndetja festive e “mariachi” për Papën. Benedikti XVI: “Meksika do të mbetet
përgjithmonë në zemrën time”
Në përfundim të Lutjeve mbrëmësore të djeshme, Benedikti XVI përjteoi edhe një çast
simpatik, jashtë programit. Një grup “mariachi” – muzikantë tradicionalë meksikanë
– improvizoi disa këngë për të, duke e thirrur Papën për një përshëndetje tjetër.
Papa u paraqit sërish para turmës festive, me sombreron e bardhë meksikane në kokë: “Queridos
amigos, muchisimas gracias, për këtë entuziazëm. Jan shumë i lumtur këtu mes jush.
Kam bërë shumë udhëtime, por nuk jam pritur kurrë me kaq entuziazëm. Do t’i marr me
vete në zemër, përshtypjet e këtyre ditëve. Meksika do të jetë në zemrën time përgjithmonë”. Lutem
prej kohësh për Meksikën, vazhdoi Papa, por tani do të lutem edhe më shumë. E kujtoi
parardhësin e entuziazmin me të cilin fliste për Meksikën, Gjon Pali II: “Tani
e kuptoj pse Papa Gjon Pali II thoshte: ‘Unë e ndjej veten Papë meksikan” E
këtu, tingujt e “mariachi” u mbulua nga oshëtima e turmës: “Benedicto, hermano, Papa
mexicano”.