Ужо за дзень да св.
Імшы з Бэнэдыктам XVI у “Парку 200-годдзя” у Леоне пачалі збірацца шматлікія вернікі,
каб заняць месца. Газета “Excelsior” паведамляе, што некалькі сотняў чалавек былі
на плошчы ўжо раніцай у суботу са спальнымі мяшкамі і палаткамі. Яны разбілі імправізаваны
лагер, каб забяспечыць сабе месца з найлепшым абзорам алтара. Паліцыя і сілы бяспекі
суправаджаюць вернікаў у доўгай дарозе пад пякучым сонцам да месца св. Імшы. Для ўдзелу
ў нядзельным набажэнстве Каталіцкі Касцёл распаўсюдзіў у кожнай дыяцэзіі краіны 300
тыс. бясплатных білетаў для знаходжання ў абмежаванай прасторы вакол алтара. Тым не
менш, мясцовыя СМІ паведамілі, што на св. Імшы чакаецца 750 тыс. вернікаў. Улады імкнуцца
ўсталяваць 22 гіганцкіх экраны, каб зрабіць даступным удзел у набажэнстве тым, якія
не змогуць прайсці ў сектары перад алтаром. Канцэлебраваць св. Імшу з Папам будуць
250 кардыналаў і біскупаў, у тым ліку старшыні ўсіх 22 біскупскіх канферэнцый Лацінскай
Амерыкі і Карыбскага басейна. Гэта будзе перадапошні пункт падарожжа Папы ў Мексіку.
У панядзелак 26 сакавіка Бэнэдыкт XVI вылеціць на Кубу.