Shtet i Amerikës veriore, në veri Meksika kufizohet me SHBA-në; në Jug-Lindje, me
Belizën e Guatemalën; del në Oqeanin Atlantik (Gjiri i Meksikës dhe Deti i Antileve)e
edhe në Oqeanin Paqësor. Në rrafshnaltën qendrore, me maja, që i kapërcejnë 5000
metrat, lartohen Sierra Mëmë Perëndimore e Sierra Mëmë Lindore; Jugu i vendit vijon
me zona të përthyera dhe fusha të gjera. Meksika ka dy gadishuj: atë të Kalifornisë
(perëndim) e të Jukatanit (lindje) E pushtuar nga Spanja (1520-22), Meksika fitoi
pavarësinë më 1821. Sot është Republikë federale e tipit presidencial, e përbërë nga
31 shtete dhe nga një Distrikt federal: kryeqyteti. Presidenti federal, i zgjedhur
me votime të përgjithshme për një mandat të papërsëritshëm prej gjashtë vjetësh, është
edhe kryeministër. Parlamenti (Kongresi i Bashkimit), ka dy dhoma: Dhomën e Deputetëve
(500 të zgjedhur për 3 vjet) dhe Senatin (128 anëtarë të zgjedhur për 6 vjet, 2/3
e të cilëve rizgjidhet çdo tri vjet). Secili shtet, si dhe Distrikti federal, zgjedhin
Governatorin dhe Asamblenë e vet. Sistemi ligjor bazohet mbi të drejtën kontinentale
evropiane, me ndikim nga teoria kushtetuese e SHBA. “Ley Indigena”(2001) njeh kulturën
dhe të drejtat themelore të popullsive vendase dhe u jep pavarësi të gjerë administrative,
në zonat ku jetojnë. Meksika është anëtare e Bashkëpunimit Ekonomik Azi-
Paqësor (APEC), e Bankës Evropiane për Rindërtim e Zhvillim (EBRD), e Marrëveshjes
Veriamerikane për Shkëmbime të Lira ndërmjet SHBA-ve, Meksikës e Kanadasë(NAFTA);
e Organizatës së Shteteve Amerikane (OAS), Organizatës për Bashkëpunim Ekonomik dhe
Zhvillim (OECD), e OKB-së, e Organizatës Botërore të Tregtisë (WTO). Kryeqyteti:
Qyteti i Meksikos (9 milionë banorë, 19 milionë, me gjithë rrethina). Qytete
të rëndësishme: Guadalajara (1.600.940 banorë) Puebla (1.485.951 banorë), Monterri
(1.133.814 banorë). Gjuha zyrtare: spanjolle; përdoren edhe idiomat amerinde:
náhuatl, maja, miksteko. Sipërfaqja: 1. 958.201 kmk (gjashtë herë sa Italia) Popullsia:
108. 426. 000 banorë Besimet: katolikë(92%); protestantë(5%), jo besimtarë(3%).
Monedha: Peso meksikane ( 1€ =17 MXN) PBB (Prodhimi i Brendshëm Brut)/banorë:
14.430 $ US në vitin 2010.