21 сакавіка Бэнэдыкт
XVI прызначыў новымі членамі Папскай рады пастырства работнікаў сферы аховы здароўя:
іерарха з Паўднёвай Афрыкі кардынала Уільфрыда Фокс Напіера, арцыбіскупа Дурбана,
і нямецкага іерарха, біскупа Аўгсбурга на пенсіі Вальтэра Міксу. Акрамя таго, Святы
Айцец прызначыў кансультантамі гэтай дыкастэрыі біскупа Муінгі ў Бурундзі Ёахіма Нтахондэрэйе,
дырэктара Цэнтра пастырства працаўнікоў сферы аховы здароўя ў Угандзе доктара Орохі
Самуэля Ораха, віцэ-старшыню Асацыяцыі каталіцкіх урачоў Італіі доктара Стэфана Оецці
і старшыню Нацыянальнага італьянскага аб’яднання дапамогі хворым у наведванні Лурда
і іншых міжнародных санктуарыяў доктара Сальватора Пальюку. Папская рада пастырства
работнікаў сферы аховы здароўя была заснавана па ініцыятыве бл. Яна Паўла ІІ 11 лютага
1985 г. Яе старшынёй з 2009 г. з’яўляецца арцыбіскуп Зыгмунт Зімоўскі. У склад Рады
ўваходзяць сакратар, падсакратар, 30 членаў і 40 кансультантаў.