Мексіка: надзвычайныя меры бяспекі падчас візіту Папы
Мексіканскі арцыбіскуп
Хосэ Марцін Рабага заклікаў вернікаў і ўсіх суайчыннікаў радасна сустрэць Святога
Айца і не звяртаць увагі на маніфесты з пагрозамі з боку наркагандляроў. Адзін з найбольш
крымінальных наркакартэляў, на ліку якога 50 тыс. забойстваў, пагражае актамі насілля
падчас візіту Пантыфіка, які пачнецца 23 сакавіка. “Ня бойцеся”, - заклікаў усіх старшыня
біскупскай канферэнцыі Мексікі. Ён запэўніў, што жыццю Папы нічога не пагражае, як
і бяспецы ўсіх удзельнікаў сустрэч са Святым Айцом. Для аховы будуць прыняты надзвычайныя
меры. Для іх будуць задзейнічаны 13 тыс. паліцэйскіх і ваенных, у тым ліку спецыяльныя
падраздзяленні, якія займаюцца бяспекай Прэзідэнта краіны.