Кс. Ламбардзі назваў “жудасным і ганебным” забойства каля школы ў Тулузе
Кс. Фэдэрыко Ламбардзі
назваў “жудасным і ганебным” забойства настаўніцы і трох вучняў яўрэйскай школы, “якое
разам з іншымі абсурднымі актамі насілля балюча ўдарыла па Францыі”. Гаворачы, аб
забойстве, якое адбылося 19 сакавіка ў французскай Тулузе, кіраўнік Залі Друку Апостальскай
Сталіцы адзначыў, што гэта выклікае глыбокае абурэнне і занепакоенасць і заслугоўвае
на самае глыбокае асуджэнне ў сувязі з узростам і нявіннасцю ахвяраў і тым, што адбылося
ў мірнай яўрэйскай навучальнай установе. Кс. Ламбардзі выказаў шчырыя спачуванні і
заклапочаннасць гэтым жудасным актам, а таксама глыбокую духоўную салідарнасць з сем’ямі
ахвяраў і ўсёй яўрэйскай супольнасцю. Трагедыя адбылася раніцай 19 сакавіка ў двары
школы “Ozar Hatorah” у Тулузе. Невядомы мужчыны адкрыў агонь па дзецям і дарослым,
якія сабраліся каля школы, пасля чаго знік на скутары. Як паведамляюць інфармацыйныя
агенцтвы, акрамя загінуўшых настаўніцы і трох вучняў, некалькі чалавек атрымалі раненні,
а адзін з вучняў знаходзіцца ў цяжкім стане.