Papa kremton ditën e emrit. Atë Lombardi: Benedikti XVI frymëzohet nga Shën Jozefi,
njeri i drejtë e i përvuajtur
Sot, 19 mars, Solemniteti i Shën Jozefit, Papa kremtoi ditën e emrit. Të dëgjojmë
urimet e atë Lombardit, në emër të të gjithë anëtarëve të familjes së madhe të Radio
Vatikanit, të Qendrës Televizive e të Sallës së Shtypit të Selisë së Shenjtë: “Shën
Jozefi e mbarshtonte familjen e tij, si “ai që shërben’. Na mëson, kështu, se mund
të duash, pa sunduar, e na zbulon sekretin e të jetuarit në prani të misterit. Në
shpirtin e tij feja e veprimi nuk ndahen kurrë, sepse është feja ajo, që i drejton
të gjitha veprimet e tij. “Është njeri i drejtë, sepse jeta e tij drejtohet
gjithnjë sipas Fjalës së Zotit”. Kështu e cilësonte pak kohë më parë Papa, në një
homeli mrekullisht të bukur, në të cilën ndjehej fuqimisht devocioni dhe frymëzimi
nga ky model i përvuajtur e i përkryer (18 mars 2009, Lutjet Mbrëmësore në Jaundé).
Me këtë shpirt, i urojmë me gjithë zemër Papës një ditë emri të qetë, që ta mbushë
me gjallëri e forcë për impenjimet e ardhshme të fesë e të shërbimi”. Një
zëri, Papës: e gëzosh emrin! Për shumë vjet!