Германія: праваслаўныя і католікі за сумеснае святкаванне Вялікадня
Каталіцкія і праваслаўныя
іерархі Германіі апублікавалі сумесны дакумент, у якім заклікаюць вернікаў адзначаць
Вялікдзень у адзін дзень. Гэта ўжо другі дакумент апублікаваны Сумеснай каталіцка-праваслаўнай
камісіяй у Германіі. Першы дакумент быў прысвечаны святкаванню нядзелі. “Лагічным
наступствам з’яўляецца тое, каб нагадаць аб найважнейшым агульным свяце, якім з’яўляецца
Вялікдзень”, - адзначылі іерархі.З апублікаванага дакумента вернікі могуць даведацца
аб тым, у чым заключаюцца розніцы ў перажыванні Вялікага Поста, святкаваннях Вялікага
Тыдня, Пасхі, Вялікоднага перыяда і Спаслання Святога Духа.
Старшыня камісіі
па справах экуменізма пры епіскапаце Германіі біскуп Герхард Людвіг Мюлер выказаў
спадзяванне, што сумесны дакумент будзе спрыяць лепшаму развіццю экуменізма і супольнаму
абвяшчанню хрысціянскай веры ў секулярызаваным грамадстве. Праваслаўны мітрапаліт
Аўгусцінас выказаў надзею, што ў хуткім часе католікі і праваслаўныя дойдуць даз годы
ў справе сумеснай даты святкавання Вялікдня, што стала б бачным знакам адзінства хрысціян
для ўсяго свету.