Апостальскі нунцый у Сірыі: жадаю, каб ААН адпавядала сваёй назве
Апостальскі нунцый
у Сірыі, арцыбіскуп Марыё Зенары, крытычна ахарактарызаваў дзейнасць ААН у адносінах
да канфлікта, які на працягу доўгага часу трывае ў гэтай краіне. “Я хачу пажадаць,
каб Арганізацыя Аб’яднаных нацый, знайшла выхад з гэтага крызіса, і нарэшце стала
па-сапраўднаму аб’яднанай. Часам мне здаецца, хоць канешне, мы знаходзімся перад абліччам
сітуацыі вельмі складанай, што для ААН лепш падайшла бы назва “Арганізацыя раз’яднаных
нацый”, - сказаў арцыбіскуп Зенары. Ён выразіў надзею, што міжнародная супольнасць
у бліжайшы час здолее, нарэшце, пачаць гаварыць у адзін голас і дзейнічаць скаардынавана.
Гаворачы аб сітуацыі ў Сірыі іерарх адзначыў, што вінаватыя ў шматлікіх забойствах
мірнага насельніцтва ў горадзе Хомс павінны быць знойдзены. “Свет павінен даць яснае
пасланне, што існуючая сітуацыя з’яўляецца непрымальнай”, - падкрэсліў дыпламат.
“Я
хачу сказаць, што абодва бакі канфлікта абвінавачваюць адзін аднаго. Я жадаю, каб
міжнародная супольнасць аднойчы знайшла адказных за забойствы, і спадзяюся, што тое,
што адбылося, будзе апошнім здарэннем такога тыпу. Гэты забойствы жудасныя... Мы молімся,
каб ніколі больш не бачыць падобных выяваў. Нажаль, гэтае забойства не адзіны выпадак:
паўсюль бачны акты зверстваў і насілля. Існуе пякельны клімат, спіраль насілля, якая
прыводзіць да падобных фактаў”, - расказаў арцыбіскуп Зенары.
Іерарх пажадаў
каб у Сірыі наступіў мір і заклікаў спрыяць гэтаму адказных на розных узроўнях.