Бэнэдыкт XVI прызначыў кардынала Шонборна пасланнікам на ўрачыстасці ў Празе
10 сакавіка Бэнэдыкт
XVI прызначыў арцыбіскупа Венскага Крыштафа Шонборна сваім спецыяльным пасланнікам
на ўрачыстасці ў Празе, якія будуць прымеркаваны да 450-годдзя фармальнага аднаўлення
Пражскага арцыбіскупства і адбудуцца 12 мая 2012 г. У перыяд з 1421 па 1562 г.
Пражская кафедра заставалася вакантнай. Гэта было звязана з распаўсюджваннем гусіцкага
руху і крызісам, які ўзнік ў сувязі з гэтым у Чэхіі. У 1420 г. гусіцкае войска пад
кіраўніцтвам Яна Жыжкі разбіла армію імператара Жыгімонта І і ўстанавіла кантроль
амаль над усёй тэрыторыяй Чэхіі. Вяртанне арцыбіскупа ў сталіцу дзяржавы стала магчымым
толькі праз 140 год. Першым арцыбіскупам Прагі пасля доўгага перапынку стаў Антонін
Брус з Магельніцэ, былы біскуп Венскі і дарадчык імператара Фердынанда І.