Біскуп Сабах: хрысціяне на Блізкім Усходзе баяцца сваёй будучыні
Былы лацінскі Патрыярх
Іерусаліма біскуп Мішэль Сабах прыняў удзел у канферэнцыі, якая прайшла ў Назарэце,
на тэму: “Выклікі перад якімі стаяць хрысціяне ў Ізраілі”. Выступаючы падчас інаўгурацыі
форума іерарх адзначыў, што шматлікія СМІ на Захадзе, у Ізраілі і арабскіх краінах
шмат пішуць аб прысутнасці хрысціян арабскага паходжання на Блізкім Усходзе. “Але
ці мы дакладна ведаем, кім мы з’яўляемся, чаго хочам, што можам і павінны зрабіць?”,
- спытаўся былы Патрыярх і адзначыў, што хрысціяне на Блізкім Усходзе баяцца будучыні”.
Іерарх заклікаў кожнага хрысціяніна задумацца над падзеямі, якія прынесла ім “арабская
вясна” і паразважаць аб укладзе, які яны могуць унесці ў развіццё грамадства гэтага
рэгіёну. Акрамя таго Патрыярх заклікаў хрысціян, якія жывуць у розных арабскіх краінах
да супрацоўніцтва з прадстаўнікамі іншых веравызнанняў. Іерарх адзначыў, што сёння
прысутнасць хрысціян ў краінах Блізкага Усходу і ў Ізраілі патрабуе новага падыходу
да вырашэння існуючых праблем і новага спосабу жыцця. “Гэты новы лад жыцця павінен
стаць у цэнтры ўвагі новай евангелізацыі”, - сказаў былы лацінскі Патрыярх Іерусаліма
Мішэль Сабах.