Rumnej fiton një etapë të rëndësishme të garës drejt kandidaturës për president

Ditë e rëndësishme, e djeshmja, në SHBA-të, ku në 10 shtete u votua për kandidatin republikan, që do të sfidojë Barak Obamën në zgjedhjet presidenciale të 6 nëntorit. Mit Rumnej, kandidati mormon, fitoi në gjashtë shtete, por në shtetin e rëndësishëm të Ohajos, ai mori vetëm një votë më shumë se katoliku Rik Santorum. Miliarderi mormon fitoi lehtë në Virgjinia, Vermont, Idaho e në Masaçusets, ku ka qenë guvernator. Beteja ndërmjet kandidatëve vazhdon tani me etapat e tjera, gjatë të cilave republikanët do të japin pëlqimin për njërin nga kandidatët, që gjithsesi, do të vendoset në fund të gushtit, në “Convention” republikane të Tampës, në Florida.