Апостальская Сталіца звяртае ўвагу на каштоўнасць творчасці Дантэ
Папская рада па культуры
абвясціла аб стварэнні навуковага-агранізацыйнага камітэта па правядзенні святкаванняў
700-годдзя з дня смерці Дантэ Аліг’еры, якое будзе адзначацца ў 2021 г. У спецыяльным
паведамленні Апостальскай Сталіцы адзначаецца, што камітэт паўстаў для таго, каб годна
адсвяткаваць гэты юбілей і задзейнічаць у падрыхтоўцы да мерапрыемстваў вучоных і
дзеячаў культуры, глыбока знаёмых з творчасцю вялікага італьянскага паэта. Камітэт
узначаліць кардынал Джанфранко Равазі, прэфект Папскай рады па культуры, нядаўна прызначаны
таксама кіраўніком культурнага цэнтра “Дом Дантэ”, а таксама прафесар Энрыка Малато,
старшыня навуковай камісіі і часопіса аб творчасці паэта.
Дзейнасць камітэта
будзе засяроджана на падрыхтоўцы штогадовых мерапрыемстваў, з мэтай годнага святкавання
юбілею ў 2021 г.
Прычынай стварэння гэтай установы з’яўляецца глыбокая зацікаўленасць
Апостальскай Сталіцы ў тым, каб прадставіць Дантэ, “як сімвал культурнай і мастацкай
спадчыны каштоўнай і неабходнай не толькі для Касцёла, але для усяго чалавецтва”,
- гаворыцца ў паведамленні Святога Пасаду. Звяртаецца ўвага на неабходнасць больш
глыбокага вывучэння творчасці Дантэ ў школе, а таксама з боку тэолагаў.