Երեւանի Մէջ Մեկնարկեց «ART expo 2012» Ցուցահանդէսը:
2 Մարտին,Նկարիչներու Միութեան Տան մէջ մեկնարկեց «ART expo 2012»ը, որ նուիրուած է ՝՝Երեւանը
իբրեւ Գիրքի 2012ի համաշխարհային մայրաքաղաք հռչակուելուն եւ Հայ Տպագիր Գիրքի 500-ամեայ
Յյոբելեանին:
«ART expo 2012»ին ներկայացուած են աւելի քան 200 ծրագիրներ եւ նախագիծեր,
որոնք կ՝իրականացուին «Գրական Հայաստան», «Մեր անկախութիւնը 20 տարեկան է», «Համայնքային
էքսփօ», «Աւանդական արհեստ, արուեստ, կենցաղ» եւ այլ խորագիրներու տակ:
Ցուցհանդէսի
բացման ներկայ էր նախագահ Սերժ Սարգսեան, որ շրջեցաւ բոլոր 44 տաղաւարները: Նախագահը
իր բարեմաղթանքը գրեց հայ գրատպութեան 500 ամեակին եւ Երեւանը իբրեւ գիրքի մայրաքաղաք
հռչակելու առիթով հրատարակուած գիրք-ալպոմին մէջ: Ան մասնաւորապէս նշեց. «Հազարամեակների
պատմութիւն ունեցող մեր մայրաքաղաք Երեւանը իր մէջ ամփոփելով անցեալի մայրաքաղաքաների
փառքն ու յիշատակը, աշխարհասփիւռ հայութեան յարատեւութեան եւ ապագայի խորհրդանիշն է,
ուստի բոլորիս պարտքն է պահել եւ պահպանել մեր ազգի բաբախող այդ սիրտը, օր օրի այն դարձնել
բարեկեցիկ ու գեղեցիկ»:
Հայաստանի մշակոյթի նախարար Յասմիկ Պօղոսեան լրագորղներուն
հետ զրոյցին նշեց, որ տարիէ-տարի կը մեծնայ ցուցահանդէսին նկատմամբ հետաքրքրութիւնը եւ
որակական շարժ տեղի կ'ունենայ:
Յիշենք որ առաջին անգամ «ART expo»-ն կազմակերպուած
էր 2009ին: