Shqipëria përkujtoi sot 568 vjetorin e Kuvendin e Lezhës të vitit 1444. Ceremonia
festive u mbajt pikërisht në Lezhë, ku në shenjë simbolike është ngritur edhe flamuri
kombëtar si dhe është ndezur edhe Flakadan-i i Jubileut. Në këtë ceremoni ka qenë
të pranishëm edhe kryeministri i Shqipërisë Sali Berisha, i cili tha se “Sot ne nderojmë
shpirtin e bashkimit kombëtar, 568 vjet më parë në këtë qytet lindi parimi i përjetësisë
së shqiptarëve, i bashkimit të tyre “Një komb një qëndrim”. “Ne sot nderojmë Kuvendin
e Lezhës të cilët shqiptarët do ta titullonin më pas si “Besëlidhja e Lezhës”, akt
në të cilin burrat e këtij vendi vendosën të përballen me superfuqinë e kohës dhe
të qëndrojnë të pamposhtur duke u bërë burim frymëzimi për popujt e tjerë të Evropës
dhe të botës”, vijoi më tej ai. Sipas kryeministrit të Shqipërisë dr. Sali Berisha,
shqiptarët sot nderojnë veprën e princit legjendar Skënderbeut, pasi ata kanë tek
ai burimin e përjetshëm të frymëzimit dhe trimërisë së tyre. Në ceremoni morën
pjesë edhe kryeparlamentarja e Shqipërisë Jozefina Topalli, kreu i bashkisë së Tiranës
Lulzim Basha, nënkryetari i Kuvendit të Kosovës Xhavit Haliti dhe zv.kryeministri
i Kosovës Hajredin Kuçi dhe kreu I PDSH-së në Maqedoni Menduh Thaçi. Tre ditë më
parë, Aleanca Kuq e Zi kërkoi leje për organizimin e një tubimi festiv pikërisht sot
në Lezhë. Por autoritetet vendore dhe policia e qytetit e refuzuan kërkesën e Aleancës
Kuqezi, e cila akuzoi direkt kryeministrin.