Бейруцкі іерарх: веруючыя грамадзяне з’яўляюцца сумленнем краіны
рэка-каталіцкі арцыбіскуп
Бейрута Кірыл Салім Бустрос, выступаючы на канферэнцыі “Арабская вясна на шляху да
новага нацыянальнага дагавора”, якая праходзіць у Рыме, адзначыў, што ніякая рэлігія
не можа прэтэндаваць на права навязваць свае законы прадстаўнікам іншых веравызнанняў.
Аналізуючы сітуацыю у Паўночнай Афрыцы і Блізкім Усходзе іерарх падкрэсліў, што нажаль
у рэгіёне існуе няроўнасць, якая вызначаецца рэлігійнай прыналежнасцю, а таксама падзелы
і фанатызм. Іерарх заклікаў да супрацоўніцтва паміж рэлігіяй і палітыкай. “Рэлігія
падтрымлівае і абараняе паняцце грамадзянства. Веруючыя грамадзяне з’яўляюцца сумленнем
краіны, калі ўздымаюць свой голас супраць несправядлівасці”, - сказаў іерарх.
Паводле
арцыбіскупа рэальнай і сур’ёзнай пагрозай для грамадзян арабскіх краін з’яўляецца
рэлігійны экстрэмізм. “Экстрэмісты бачаць іслам у якасці адзінага рашэння праблем
і спрыяюць строгаму захаванню шарыята. Тое ж самае тычыцца яўрэйскіх экстрэмістаў,
адзінай марай якіх з’яўляецца выгнанне з краіны мусульман і хрысціян. Сітуацыя складаная
і яе можна вырашыць толькі ў прызнанні грамадзянства, якое гарантавала б роўныя правы
для ўсіх, незалежна ад рэлігійнай прыналежнасці”, - сказаў арцыбіскуп Бустрос.