Кардынал Рылка: Папа цікавіцца падрыхтоўкай да Сусветных дзён моладзі
Кардынал Станіслаў
Рылка, старшыня Папскай рады па справах свецкіх, з 27 лютага знаходзіцца ў Рыа дэ
Жанейра, дзе знаёміцца з падрыхтоўчымі працамі да Сусветных дзён моладзі, якія пройдуць
у гэтым бразільскім горадзе 23-28 ліпеня 2013 г. Іерарх адзначыў, што сам Бэнэдыкт
ХVI цікавіцца падрыхтоўкай і спадзяецца, што ў гэтай вялікай падзеі прымуць удзел
шматлікія маладыя людзі. Як паведамляе прэс-служба мясцовай архідыяцэзіі, запланаваны
сустрэчы кардынала Рылкі з аргкамітэтам моладзевага форуму, дэлегацыяй бразільскіх
біскупаў, лідэрамі касцёльных рухаў і супольнасцяў, а таксама губернатарам і мэрам
Рыа. 29 лютага прадстаўнік Ватыкана наведае месцы, дзе пройдуць мерапрыемствы з удзелам
Папы.
1 сакавіка 2012 г. Рыа дэ Жанейра адзначае 447 гадоў з дня свайго заснавання.
З гэтай нагоды кардынал Станіслаў Рылка ўзначаліць св. Імшу ў санктуарыі Хрыста Збаўцы
ў Карковадо, а вечарам у касцёле св. Анны прыме ўдзел у начным чуванні з моладдзю.
Візіт завершыцца 2 сакавіка прэс-канферэнцыяй у сядзібе архідыяцэзіі.