Кардынал Дука: гэта стэрэатып, што Чэхія самая секулярызаваная ў Еўропе
Арцыбіскуп Пражскі
кардынал Дамінік Дука адзначыў, што карані слабай рэлігійнасці чэшскага грамадства
варта шукаць у гісторыі ХХ ст, якая для Касцёла ў гэтай краіне характарызавалася сапраўдным
“генацыдам”. У інтэрв’ю агенцтву “SIR” іерарх распавёў аб хвалях дэпартацый чэшскіх
вернікаў ў ваенныя і пасляваенныя часы, эміграцыі католікаў ў эпоху камуністычнага
рэжыма, атэізацыі, запужванні і прымусе. Аналізуючы вынікі перапісу ў Чэхіі, падчас
якога каля 1/3 насельніцтва адказала, што не маюць ніякіх рэлігійных перакананняў
і амаль павола жыхароў праігнаравалі пытанне аб веры, кардынал Дамінік Дука падкрэсліў,
што негледзячы на гэта колькасць практыкуючых католікаў расце. “Каля 1 млн. чалавек
падчас перапісу адзначылі, што з’яўляюцца практыкуючымі вернікамі і выканалі нашу
рэкамендацыю прызнацца ў сваіх рэлігійных перакананнях”, - сказаў кардынал.
Іерарх
адзначыў, што Касцёл у Чэхіі актыўна спрыяе новай евангелізацыі. Сярод бліжэйшых планаў
ён назваў рэформу катэхетычнай сістэмы і падтрымку спрыяльнай палітыкі ў адносінах
да інсытута сям’і. Акрамя таго кардынал Дука назваў міфам меркаванні аб найбольшай
сярод еўрапейскіх краін секулярызаванасці чэшскага грамадства. “Калі я падарожнічаю
па Еўропе і параўноўваю колькасць людзей у касцёлах Германіі, Галандыі, Бельгіі і
Чэхіі, я не адчуваю, што жыву ў секулярызаванай краіне”, - сказаў арцыбіскуп Пражскі.