Арцыбіскуп Кандрусевіч: у Беларусі плануецца стварэнне Асацыяцыі каталіцкіх журналістаў
У верасні гэтага года
ў Гродне пройдзе першы з’езд каталіцкіх СМІ Беларусі. Аб гэтым заявіў Мітрапаліт Мінска-Магілёўскі
арцыбіскуп Тадэвуш Кандрусевіч падчас семінару ў Баранавічах, прысвечанаму евангелізацыі
з дапамогай новых сродкаў камунікацыі. Гаспадаром вераснёўскага кангрэса стане хутчэй
за ўсё духоўная семінарыя ў Гродне. Падтрымку форуму акажа таксама Канферэнцыя Каталіцкіх
Біскупаў у Беларусі. Па словах арцыбіскупа Кандрусевіча, гэта сустрэча дасць магчымасць
людзям, звязаным з каталіцкімі СМІ, пазнаёміцца, абмеркаваць магчымасці супрацоўніцтва
і атрымаць новы імпульс для плённай працы. Ён адзначыў, што ў Беларусі плануецца стварэнне
Асацыяцыі каталіцкіх журналістаў.