Սումկայիթի Զոհերու Յիշատակին Հոգեհանգստեան Եւ Պաշտամունքի Արարողութիւններ
Սումկայիթեան եղեռնագործութեան 24-ամեակին առիթով Սումկայիթի զոհերու յիշատակին հոգեհանգստեան
եւ պաշտամունքի արարողութիւններ պիտի կատարուին հայ յարանուանութիւններու բոլոր եկեղեցիներուն
մէջ, կիրակի՝ 26 փետրուար (2012)ին՝ եկեղեցական արարողութիւններուն ընթացքին: Նոյն
օրը, Անթիլիասի Մայր տաճարին մէջ կատարուելիք հոգեհանգստեան արարողութենէն ետք, վեհարանի
դահլիճին մէջ տեղի պիտի ունենայ յիշատակի հաւաք, որուն ընթացքին խօսք պիտի առնէ Մեծի
Տանն Կիլիկիոյ Արամ Ա. կաթողիկոս: Այսպէս կը տեղեկացնէ՝ Հայոց Ցեղասպանութեան 100-ամեակի
Լիբանանի կեդրոնական մարմինը։