Ուրբաթ 24 Փետրուար 2012։Պենետիկտոս ԺԶ Սրբազան Քահանայապերը առաւօտեան ժամը 11-ին՝
ունկնդրութիւն շնորհեց Թոնկայի Թագաւոր Նորին Վսեմութիւն Սիաուցի Թուբօ Ե-ին եւ անոր
ընկերացող շքախումբին։ Ժամը 11.30-ին՝ իր գրասենեակի մէջ ընդունեց Հռոմի երբեմնի
տեղապահ Արքեպիսկոպոսը՝ Կարտինալ Գամիլլօ Րուինին, ապա ժամը 11.50-ին՝ ընդունեց գերապայծառ
Ատրիանօ Պերնարտինին Իտալիոյ եւ Սան Մարինոյի հանրապետութիւններու մօտ առաքելական դեսպանը։
Ժամը 12.15-ին՝ Քահանայապետներու Սրահին մէջ Նորին Սրբութիւնը ունկնդրութիւն շնորհեց
Սուրբ Պետրոսի ընկերակցութեան 35 անդամներուն ու ապա յետ միջօրէի՝ ժամը 18-ին, ընդունեց
Հաւատոյ Ժողովի կառավարիչը՝ Կարտինալ Ուիլլիամ Լէվատան։