Më 24 shkurt kalendari shënon shën Modestin e Trevirit, ipeshkëv
Po të shfletojmë me vëmendje kalendarin kishtar, do të gjejmë dhjetë shenjtorë, që
mbajnë emrin Modest. Emri nis të dëgjohet që në shekujt e parë të krishterimit, kur
i jep fesë së Krishtit Shën Modestin, martirizuar në një datë të papërcaktuar, që
kremtohet më 12 janar si dhe gjashtë martirë të tjerë me të njëjtin emër, që derdhën
gjakun për Krishtin ndërmjet viteve 100-300. Modest quhej edhe njëri nga Patrikët
e Shenjtë të Jeruzalemit, që kremtohet më 17 dhjetor si dhe dy të Lum, françeskani
martir i Barcelonës, Modesti, mbytur jo më në shekujt e parë të krishtërimit, por
në vitin a afërt 1936, dhe i Lumi Modest , kapuçin spanjoll, martirizuar në të njëjtin
vit, në Alboskater. Ndërmjet tyre, Shën Modesti që kremtohet sot. Jeta dhe martirizimi
i tij humbën në mjegullën e shekujve. Dihet vetëm se ishte ipeshkëv, se u martirizua
në vitin 489, në Treviri e se kremtohet më 24 shkurt.Kujtojmë se Modest do të thotë
njeri i thjeshtë, kokulur. Emër vërtet i përshtatshëm për kohët tona! Ndoshta prandaj
shkruhet kaq pak për dhjetë shenjtorët me këtë emër. Modestët nuk dëshirojnë të flitet
shumë për ta, e aq më pak, të flasin për vetveten!