Кардынал Валіні: сустрэчы са Святым Айцом – гэта вопыт ласкі, якая надзяляе сілай
і адвагай
Дэлегацыю рымскіх
пробашчаў на сустрэчы са Святым Айцом 23 лютага ўзначальваў Папскі вікарый для Рымскай
дыяцэзіі кардынал Агосціно Валіні, які прывітаў Пантыфіка і выказаў удзячнасць за
магчымасць сустрэчы. Паводле іерарха, гэта вялікі шанс, пачуць словы Святога Айца
і ўспрыняць іх непасрэдна і асабіста. У інтэрв’ю нашаму радыё кардынал Валіні звярнуў
увагу на выключнасць такіх спатканняў. “Cустрэча са Святым Айцом, - сказаў ён, - гэта
заўсёды вялікі прывілей, нават калі для нас, рымлянаў, гэта магчымасць узнікае часцей,
што не памяншае радасці спаткання – бо яно выключнае, жаданае і духоўна карыснае.
Папа пасля свайго разважання “Lectio Divina” перадаў пробашчам-прэфектам “Правілы
жыцця”, як плён Году веры. Мы працавалі над імі апошні час – пасля таго, як сам Святы
Айцец нас на гэта натхніў, - паведаміў Папскі вікарый для Рымскай дыяцэзіі. Кардынал
Валіні падкрэсліў, што сустрэчы са Святым Айцом – гэта заўсёды вопыт ласкі, якая надзяляе
сілай і адвагай.