Shqipëri: Ministri i Jashtëm Haxhinasto priti Nuncin Apostolik Imzot Inglés
Zv.Kryeministri dhe Ministri i Punëve të Jashtme të Shqipëri, Edmond Haxhinasto, priti
sot në takim në Tiranë Nuncin Apostolik në Shqipëri, kryeipeshkvin imzot Ramiro Moliner
Inglés. Dy bashkëbiseduesit vlerësuan marrëdhëniet e shkëlqyera që ekzistojnë mes
Shqipërisë dhe Vatikanit. Në takim, ministri Haxhinasto përsëriti edhe një herë ftesën
për vizitën e Atit të Shenjtë Benediktit të XVI në Shqipëri, një vizitë që do të merrte
një rëndësi të veçantë në kuadër të 100-vjetorit të Pavarësisë së Vendit. Gjithashtu,
në takim mes ministrit të Jashtëm dhe Përfaqësuesit të Papës në Tiranë u vunë në dukje
rrënjët e lashta të traditës së krishterë në Shqipëri që këtë vit do të përkujtohen
edhe kuadrin e 950-vjetorit të themelimit të dioqezës së lashtë shqiptare të Sapës.
Në vijim, Ministri Haxhinasto dhe Nunci Apostolik imzot Ramiro Moliner Inglés diskutuan
në lidhje me mundësitë për çuarjen përpara të projektit të spitalit "Zonja e Këshillit
të Mirë" në Tiranë, një projekt shumë i rëndësishëm për sistemin shëndetësor në Shqipëri
dhe për kontributin që Kisha katolike në shoqërinë shqiptare.