Bruksel: dialogu Kosovë-Serbi, dita dytë e raundit të nëntë
Në Bruksel vazhdon sot në ditën e dytë raundi i nëntë i dialogut Kosovë -Serbi, pas
bisedimeve të djeshme nëntë orëshe, sipas raportimeve të medias, pa marrëveshje për
bashkëpunimin rajonal. Media raporton nga Brukseli se pas përfundimit të takimit
mbrëmë nuk pati asnjë deklaratë nga asnjëra palë, as nga Kosova, as nga Serbia dhe
as nga BE, ndërsa sot në orën 10:00 do të vazhdojë dialogu. Dialogu në Bruksel
në mes të Republikës së Kosovës dhe Serbisë, i ndërmjetësuar nga Bashkimi Evropian
dhe me pjesëmarrjen e SHBA-ve, vazhdon pas tetë raundeve të zhvilluara gjatë vitit
2011, duke filluar nga 8 marsi.