Bora Logu: prof. Petro Fundo mësues e dëshmitar i së vërtetës e i besimit në Zotin
Profesor Petro Fundo (19 mars 1909 – 1 mars 1989) njeri i drejtë, mik i vërtetë, studiues
e profesor i shquar, dëshmitar e transmetues i guximshëm i të vërtetave të Fesë në
Zotin, në periudhën e errët të diktaturës ateiste të komunizmit që vite të tëra sundoi
në Shqipëri. Kështu, me pak fjalë, mund ta përshkruajmë figurën e mrekullueshme e
të jashtëzakonshme njerëzore dhe profesionale të profesor Petro Fundos. Ai qe besimtar
e bujar. Një të varfër që ai mund ta takonte në rrugë dhe nuk kishte të holla për
ta ndihmuar, për Profesor Fundon, ishte “vuajtje”. Kur trokiste dera dhe flitej se
ishte duke pritë një fukara aty, ai hapte raftet e sirtarët për gjet bukën më të mirë
dhe, jo, kafshata, për t’ia dhënë. Xhepat e tij gjithnjë qenë përherë bosh nga lypsit.
Madje, tregonte njëherë: “Kam shkuar tek berberi dhe, mbasi jam qethur, u detyrova
me i thënë berberit se, do ti sjellë paratë nesër, se ata 30 lekë që kisha në xhep,
ia fala një fukarasë duke ardhur tek ti!…”. Berberi, i cili e njihte me kohë Profesorin
kishte qeshë dhe, i kishte thanë: “Po edhe mos mi sjellë fare, nuk ka rëndësi!…”.
Për lypsit ai thoshte gjithmonë: “Mos i zëni më gojë kurrë emrat e tyre, se është
shumë më e vështirë për të lypur, se për të falur!”. Profesor Petro Fundo qe një
ndër themeluesit e shkollimit të lartë matematik shqiptar. Ai mesim matematike në
Gjimnazin “29 Nandori” të Shkodrës, po ai sidomos qe bujar e besimtar, i urtë dhe
i ditur, i vendosur e largpamës, e qe edhe një dëgjues i rregullt i Radio Vatikanit
në kohën e ndalimit me ligj të komunizmit, siç na dëshmon në mikrofonin e Radio
Vatikanit, studentja e tij e asaj kohe, profesoresha Bora Tarri-Logu. Ta dëgjojmë....