AՎատիկանի Ռատիոկայանի Քառասնորդացի Իտալերէն Յայտագիրը։ “Radio Quaresima”։

22 Փետրուար ըստ Լատինաց ՝՝Օր Մոխրոց՝՝ սկիզբ առաւ Մեծ Պահոց Շրջանը,եւ այս առթիւ Ռատիօ Վատիկանը սկիզբ կուտայ (իտալերէնով) Զատկուայ պատրաստութեան իր տարեկան հոգեւոր Ռատիօ Հաղորդումներու շարքին ,որ կը կոչուի ՝՝Քառասնորդացի Ռատիօ ՝՝ այսինքն ՝՝Radio Quaresima՝՝ ն։
Հաղորդաշարի առաջին մասը որ կը ձայնասփռուի ամէն օր իտալիոյ ժամով ժամը 7.15ին,եւ կը կրկնուի ժամը 23.45ին, ունի որպէս տիտղոս ՝՝ Լրիւ օրուայ մը մէջ՝՝ եւ կը բովանդակէ Գերապայծառ Մաթթէօ Մարիա Զուբբի-ի 40 խորհրդածութիւնները։

Իսկ հաղորդաշարի երկրոդ շարքի տիտղոսն է ՝՝ Դարձեալ Սիրել՝՝ որ ունկնդիրներուն կ՝առաջադրէ Գերապայծառ Մասսիմօ Գամիսասքա-ի 18 խորհրդածութիւնները։
Նախատեսուած 18 ձայնասփռումները 23 Փետրուարէն մինչեւ 31 Մարտ պիտի ձայնասփռուին հինգշաբթի,ուրբաթ եւ շաբաթ օրերը ժամը 14.30ին, յաջորդ օրո ւայ կրկնումները տեղի կ՝ունենան ժամը 6.00ին։ Մեծ Պահքի շրջանի այս յատուկ Ռատիօ-Հաղորդաշարին կարելի է հետեւիլ նաեւ համացանցի կայքէջէն ՝՝105 Fm հասցէ ՝՝ ։