Patriku latin i Jeruzalemit fton të agjërohet për paqen gjatë Krezhmëve
Të agjërojmë për paqen në Tokën e Shenjtë: ky është propozimi i Patrikut latin të
Jeruzalemit, Fuad Tval, në Letrën, që u ka drejtuar besimtarëve për Krezhmët 2012,
me titull “Pendesë për Mbretërinë e Zotit e për paqen”. “Në Tokën e Shenjtë e në anë
të tjera të Lindjes së Mesme, vuajmë akoma nga dhuna e konfliktet – shkruan Patriku
Tval. Paqja është një ndër hiret më të mëdha, që Zoti i jep njerëzimit e Hyji na kërkon
të punojmë për paqen. Pikërisht këtë paqe duam të arrijmë përmes lutjes, pendesës
e agjërimit”.