“L'Osservatore Romano” аб небяспецы згубіць сябе ў сеціве
“L’Osservatore Romano”
нагадвае сёння словы Марсэля Пруста, сказаныя 100 гадоў таму, аб абсурднасці ўцёкаў
ад рэальнасці. Ватыканскае выданне робіць гэта ў кантэксце сённяшняга інтэрнэтбуму
і зацікаўлення сацыяльнымі сеткамі. Аўтар артыкула Крысціян Грымальдзі звяртае ўвагу,
што армія людзей усіх нацый, узростаў, веравызнанняў і палітычных перакананняў, на
самой справе не ўмее сёння карыстацца інфармацыяй, губляючыся ў павуцінні ўсё больш
разнастайных магчымасцяў інтэрнэту. Грымальдзі падкрэслівае, што для большасці карыстальнікаў
недастаткова атрымліваць інфармацыю, ім важна самім прадставіць сябе ў сетках для
самасцвярджэння. Паводле яго, каб быць заўважаным, сёння неабходна ўсё часцей і часцей
“біцца як матылёк” у сеціве, выкарыстоўваючы яго незлічоныя інструменты.
Аўтар
нагадвае, што кожны з людзей пакліканы да сацыялізацыі і таму прысвячае шмат часу
ў імкненні да яе, аднак, паводле Грымальдзі, там, куды мы ўкладаем усё больш часу
– значыць, у сацыяльных медыя – дыялог памёр. Там не шукаюць сапраўднага абмену ідэямі,
але выключна пацвярджэння свайго меркавання, крытыка там абвяргаецца, а крытык адразу
пераўтвараецца ў ворага.
Падкрэсліваючы ўсё большую вульгарнасць сусветнага
сеціва, аўтар прызнае, што праз яго многія людзі ажыццяўляюць нармальнае чалавечае
імкненне да быцця побач з іншымі.