Арцыбіскуп Фрэнсіс
Чулікат, пастаянны назіральнік Апостальскай Сталіцы пры ААН у Нью Ёрку, звярнуўся
да ўдзельнікаў IV сесіі Камітэта па падрыхтоўцы канферэнцыі, прысвечанай Трактату
аб гандлі ўзбраеннямі. Арцыбіскуп падкрэсліў, што пазіцыя Святога Пасаду па дадзеным
пытанні заключаецца не толькі ў тым, каб абмежаваць рынак зброі, але таксама спрыяць
таму, каб зусім “абяззброіць” гэту сферу міжнароднай камерцыі.
Іерарх адзначыў,
што неабмежаваны і непразрысты гандаль узбраеннямі з’яўляецца прычынай шматлікіх негатыўных
гуманітарных наступстваў: запавольвання тэмпаў развіцця, рызыкі канфліктаў, нестабільнасці,
пагрозы міру, спрыяння культуры насілля і крыміналу. Арцыбіскуп Чулікат падкрэсліў,
што зброяй нельга гандляваць як любым іншым відам тавараў, таму неабходна стварэнне
законнай, эфектыўнай і моцнай прылады, якая дазволіла б зрабіць гэту сферу больш празрыстай.
Ватыканскі
дыпламат прапанаваў усталяваць больш жорсткі кантроль у сферы гандлю лёгкімі відамі
зброі і зброі малога калібру. На думку Апостальскай Сталіцы, будучы Трактат павіннен
лічыцца з неабходнасцю абароны правоў чалавека, гуманітарнага права і права на развіццё,
а яго поспех залежыць ад супрацоўніцтва паміж краінамі і арганізацыямі ў будаванні
культуры міру.