Jemi në kërkim të një kandidati, që t’i pëlqejë edhe opozitës. Janë fjalët e kancelares
gjermane, Angela Merkel, pas dorëheqjes së presidentit gjerman Kristian Vulf, i cili
sot e la postin për shkak të akuzës për korrupsion, që ka të bëjë me dhënien e një
kredie me interesa të favorshme, në kohën kur ishte në krye të Saksonisë së Poshtme.
Asgjë, në krahasim me akuzat, që herë pas here u bëhen politikanëve shqiptarë, të
cilët, pothuajse gjithnjë, dalin pa u lagur. Por në Berlin mendojnë e veprojnë ndryshe.
Dje, Prokuroria e Hanoverit kërkoi heqjen e imunitetit të presidentit, për të mundësuar
nisjen e hetimeve. Kjo qe arsyeja e dorëheqjes së presidentit, i cili është i bindur
se gjyqi do ta nxjerrë të pafajshëm.