Të shtunën në Vatikan mbahet Koncistori i Rregullt Publik për krijimin e kardinajve
të ri
Gjithçka është gati për Koncistorit e katërt të kohës së Papës Ratcinger që do të
mbahet këtë të shtune më 18 dhe këtë të diele më 19 shkurt në Vatikan. Krijimi i
kardinajve të ri parashikon një rit të ndarë në dy ditë të ndryshme. Të shtunën
më 18 shkurt, në ora 10.30, në Bazilikën e Shën Pjetrit në Vatikan, Benedikti XVI
do të mbajë Koncistorit e Rregullt Publik për krijimin e 21 kardinajve të ri (një,
i 22-ti është i sëmurë e atij do të dorëzohet “bereta” apo “qellesha tricepëshe” më
vonë në formë private), prej të cilëve 18 të ri me të drejtën e ‘zgjedhjes’ së Papës
e tre kardinaj tjerë me moshën mbi tetëdhjetëvjeçare. Në përfundim të ritit, Papa
do të mbajë edhe Koncistorin për kanonizimin e shtatë të lumturve të ri. Pas dite
në Vatikan do të zhvillohen “vizitat e përzemërta” tek kardinajt e ri. Me rastin
e shpalljes së emrave, më 6 janar, gazeta e Vatikanit “L’Osservatore Romano”, shpjegoi
edhe se Zyra e Kremtimeve Liturgjike Papnore, me miratimin e Papës Benediktit XVI,
ka bërë disa ndryshime. Propozohet përsëri riti i 1969-s, ndryshojnë lutjet e
hyrjes e ato përfundimtare. Edhe kumtimi i Fjalës së Zotit do të ketë një formë më
të shkurtër, ndërsa unifikohen, në një rit të vetëm, tre çastet kulmore: ai i vënies
së simboleve siç është ai kësulës, ai i dorëzimit të unazës kardinalore dhe i Kishës
titullare ose i diakronisë. Tani që nuk ka më dallime ndërmjet Koncistorit publik
e atij sekret, u pa e arsyeshme të përmblidheshim tre çastet më domethënëse të krijimit
të kardinajve të rinj, në një rit të vetëm. Mbetet siç ishte, ndërkaq, tradita e bashkëkremtimit
të Papës me kardinajtë e rinj, një ditë pas krijimit. Kremtimi hapet me përshëndetjen,
që i drejton Pasardhësit të Shën Pjetrit, Papës, në emër të të gjithëve, i pari i
kardinajve, për t’i shprehur mirënjohjen dhe nderimin. Një ditë më pas, të dielën
më 19 shkurt, në festën e Katedrës së Shën Pjetrit, në ora 9.30 gjithnjë në Bazilikën
e Vatikanit, Papa do të kryesojë Meshën në bashkëkremtim me kardinajt e ri. Nga
22 kardinajt, që Papa do të krijojë në Koncistorin e ri, 18 kanë të drejtë zgjedhore;
16 janë evropianë, 4, amerikanë e 2, aziatikë. Me Koncistorin e 18 shkurtit, Kolegji
Kardinalor do të ketë 214 anëtarë, nga të cilët, 125 me të drejtë për të zgjedhur
Papën e për t’u zgjedhur në fronin e Shën Pjetrit, 89, mbi moshën 80 vjeç, pra vetëm
me të drejtë këshillimore. Aktualisht Evropa, me 119 kardinaj, nga të cilët 67 me
të drejtë zgjedhore, zë vendin e parë në Kolegj. Pasohet nga Amerikat, me 54 kardinaj,
nga të cilët 37 me të drejtë zgjedhore. Vjen, pastaj, Azia, me 20 kardinaj, 9 nga
të cilët me të drejtë zgjedhore. Afrika ka 17 kardinaj, nga të cilët, 11 me të drejtë
zgjedhore; ndërsa Oqeania, 4 kardinaj, nga të cilët, 1 me të drejtë zgjedhore. Ja
dhe emrat e kardinajve të rij, duke nisur nga kardinajt me detyra në Kurien Romake: Imzot
FERNANDO FILONI, Prefekt i Kongregatës për Ungjillëzimin e Popujve; Imzot
MA’NUEL MONTEIRO DE CASTRO, Kryependestar; Imzot SANTOS ABRIL Y CASTELLÓ,
Kryeprift i Bazilikës Papnore të Shën Marisë së Madhe; Imzot ANTONIO MARIA VEGLIÒ,
Kryetar i Këshillit Papnor të Baritorisë për Emigrantët dhe Endacakët; Imzot
GIUSEPPE BERTELLO, Kryetar i Komisionit Papnor për Qytet-Shtetin e Vatikanit dhe
Kryetar i Governatoratit të të njëjtit Shtet; Imzot FRANCESCO COCCOPALMERIO,
Kryetar i Këshillit Papnor për Tekstet Ligjore; Imzot JOÃO BRAZ DE AVIZ,
Prefekt i Kongregatës për Institutet e Jetës Rregulltare dhe për Shoqëritë e Jetës
Apostolike; Imzot EDWIN FREDERIK O'BRIEN, Pro-Mjeshtër i Madh i Urdhrit
Kalorësiak të Varrit të Shenjtë të Jerusalemit; Imzot DOMENICO CALCAGNO, Kryetar
i Administratës të Pasurisë së Selisë Apostolike; Imzot GIUSEPPE VERSALDI,
Kryetar i Prefekturës për Çështjet Ekonomike të Selisë së Shenjtë; Lista vijon
me kardinajt, që i shërbejë dioqezave të ndryshme nëpër botë: Fortlumturia
e Tij,GEORGE ALENCHERRY Kryeipeshkëv i Madh i Ernakulam - Angamaly i Siro-Malabarezëve
në Indi; Imzot THOMAS CHRISTOPHER COLLINS, Kryeipeshkëv i Torontos (Kanada); Imzot
DOMINIK DUKA, Kryeipeshkëv i Pragës (Republika Çeke); Imzot WILLEM JACOBUS
EIJK, Kryeipeshkëv i Utrecht (Vendet e Ulëta); Imzot GIUSEPPE BETORI,
Kryeipeshkëv i Firences (Itali); Imzot TIMOTHY MICHAEL DOLAN, Kryeipeshkëv
i Nju Jorkut (SHBA); Imzot RAINER MARIA WOELKI, Kryeipeshkëv i Berlinit
(Republika Federale e Gjermanisë); Imzot JOHN TONG HON, Ipeshkëv i Hong
Kongut (Republika Popullore Kineze); Fortlumturia e Tij, LUCIAN MUREŞAN,
Kryeipeshkëv i Madh i Făgăraş e Alba Iulia-s të Rumunëve (Rumani). Së fundi, tre
kardinaj të rinj nga bota akademike: Imzot JULIEN RIES, Meshtar i Dioqezës
së Namyr e Profesor nderi i historisë së feve pranë Universitetit Katolik të Luvën; Atë
PROSPER GRECH O.S.A. (Urdhri i Shën Agostinit), Docent nderi i disa Universiteteve
romake e Këshilltar i Kongregatës për Doktrinën e Fesë; Atë KARL BECKER,
S.I., Docent nderi i Universitetit Papnor Gregorian.