Պենետիկտոս ԺԶ Սրբազան Քահանայապետը Հռոմի Աւագ Դպրեվանքը Կ՛այցելէ։

Ի պատրաստութիւն՝ Յոյսի Տիրամօր Տօնին որ կը նշուի 18 փետրուարին, Պենետիկտոս ԺԶ Սրբազան Քահանայապետը չորեքշաբթի 15 փետրուարի յետ միջօրէին կ՛այցելէ Հռոմի աւագ Դպրեվանքը ուր տեղւոյն 190 ժառանգաւորներուն ու Հռոմի նորնծայարաններու մեծաւորաց դասին կը ներկայացնէ <<Սուրբ Գիրքի Մեկնաբանութիւն>>ը։
Սրբազան Քահանայապետը Հռոմի աւագ Դպրեվանք կը ժամանէ ժամը 18.15-ին, ուր զինք կը դիմաւորեն Հռոմի տեղապահ Արքեպիսկոոսը՝ Կարտինալ Ակոսդինօ Վալլինին ու Դպրեվանքի մեծաւորը։
Հուսկ Նորին Սրբութիւնը մուտք կը գործէ Նորնծայարանի <<Յոյսի Տիրամօր>> մատուռը, պահ մը կ՝ երկրպագէ Սուրբ Հաղորդութեան տապանակի առջեւ։ Օրակարգի համաձայն Դպրեվանքի Րէկտորը` <<Սուրբ Գիրքի Մեկնաբանութենէն>> առաջ` բարիգալուստի խօսք կ՛ուղղէ Սրբազան Հօր։ Հանդիպումի աւարտին Նորին Սրբութիւնը` դպրեվանքի մէջ կը մասնակցի եղբայրական ակաբի։