Յունաստանի՝ Եւրոպայէն Նիւթական Օգնութիւն Ըստանալը Ապահով Չէ։
Այսօր կայանալիք նիստին հնարաւոր է, որ Եւրոխումբը հաւանութիւն չտայ Յունաստանին նոր`
130 միլիառանոց նիւթական օգնութեան ծրարի տրամադրումը Գերմանիոյ եւ Հոլլանտայի դիրքորոշման
պատճառով: Այս մասին կը գրէ բրիտանական Financial Times պարբերականը, յղում կատարելով
Եւրոմիութեան իր քաղաքական աղբիւրներուն: Պարբերականի տեղեկութիւններով, գումարի տրամադրման
մասին հիմնական որոշումը պէտք է կայացուի Եւրոմիութեան անդամ երկիրներու ելեւմտական նախարարներու
հանդիպման ժամանակ: Աղբիւրին պնդումով՝ Եւրոպայի մէջ մտադիր են քանի մը նոր պայման ներկայացնելու
Աթէնքին, որոնց հետ անոնք պէտք է համաձայնին, որպէսզի վաղը հնարաւոր ըլլայ ընդունիլ ելեւմտական
օգնութեան տրամադրման մասին որոշումը: Յունաստանի կառավարութիւնը իր կողմէն արդէն
հաստատած է այս նախագիծը եւ մինչեւ Փետրուար 17 պէտք է Պրիւքսէլ ներկայացնէ օգնութեան
պաշտօնական խնդրանքը: