Амерыканскі біскуп: нянавісць да хрысціянства становіцца часткай сучаснай культуры
Біскуп Пеорпійскі
Даніэль Енкі, які зараз знаходзіцца ў Рыме з нагоды візіта “аd limina apostolorum”
біскупаў ЗША, адзначыў, што палітыкам, якія лічаць сябе католікамі, варта памятаць
аб тым, што аднойчы ім прыйдзеца даць справаздачу за свае дзеянні перад Богам. У інтэрв’ю
агенцтву “CNA” амерыканскі іерарх звярнуў увагу на тое, што вельмі шмат палітыкаў
каталіцкага веравызнання ў ЗША любяць насіць зялёную вопратку на дзень св. Патрыка,
фатаграфавацца з касцёльнымі іерархамі ці хадзіць з намаляваным на лбу крыжам у Папяльцовую
сераду, аднак на самой справе не жывуць сваёй верай, а часам нават прымаюць удзел
у нападках на яе.
Гаворачы аб дыскрымінацыі Касцёла ў сучаным секулярызаваным
грамадстве іерарх параўнаў яе з антыкаталіцкай “Kulturkampf” у канцы ХІХ ст. у Германіі
і антыклерыкальнымі законамі пачатку ХХ ст. у Францыі. Акрамя таго біскуп Енкі выказаў
занепакоенасць тым, што нянавіць да хрысціянства становіцца адным з элементаў сучаснай
культуры.