Պենետիկտոս ԺԶ Սրբազան Քահանայապետի Կոչը Սուրիոյ Մէջ Դադրեցնելու Ուժգնութիւնները։
Հրեշտակ Տեառն Կիրակնօրեայ Մարեմեան Աղօթքի աւարտին զանազան լեզուներով ողջունելէ առաջ
ներկաները Սրբազան Հայրը սրտափուխ կոչ մը ուղղեց ի տես Սուրիոյ մէջ տիրող մարդկայնական
ողբերգրական վիճակին։ Իմ աղօթքներուս մէջ կը յիշեմ բոլոր զոհերը -ըսաւ Ան - որոնց
շարքին կան նաեւ մանուկներ։ Կոչ կ՛ուղղեմ դադրեցնելու համար ուժգնութիւնները եւ արեան
հեղումը ու կը հրաւիրեմ բոլորը, ու մանաւանդ Սուրիոյ քաղաքական իշխանութիւնները, դիմելու
երկխօսութեան ու հաշտութեան ճանապարհին` ու ձգտելու խաղաղութեան հաստատումին։ Հրատապ
հարց է արձագանգել ազգի տարբեր տարրերու օրինական ձգտումներուն ինչպէս նաեւ միջազգային
հանրութեան մտահոգութիւններուն որ տարածաշրջանի համայն հասարակութեան ընդհանուր բարիքը
կը հայցէ: