Германія: выстава аб хлебе ў хрысціянскай традыцыі
Незвычайная выстава
праходзіць у Музеі культуры хлеба, размешчаным у нямецкім горадзе Ульм. Яна распавядае
аб мучаніцтве і кульце святых і іх рэліквій, а таксама пра культуру і шанаванне хлеба,
паведамляе баварскае выданне “Augsburger Algemeine”. Асаблівая роля на выставе, дзе
прадстаўлены рэлікварыі XVI ст., абразы, гравюры, скульптуры, адведзена тэме хлеба,
які, як вядома, выконвае ў каталіцкай літургічнай традыцыі адмысловую ролю, асабліва
ў сакрамэнце Эўхарыстыі, калі хлеб і віно становяцца Целам і Крывёю Хрыста. Наведвальнікам
прапануецца ўнікальная калекцыя малюнкаў хлеба ў гісторыі еўрапейскай культуры. На
выставе таксама можна ўбачыць творы сучасных германскіх мастакоў, якія, як аказваецца,
шмат працуюць на гэту тэму.