10 лютага Заля Друку
Апостальскай Сталіцы апублікавала праграму звычайнай публічнай кансісторыі, якая пачнецца
ў суботу, 18 лютага, у базыліцы св. Пятра ў Ватыкане св. Імшой, якую ў 10.30 узначаліць
Святы Айцец. Падчас яе 22 новыя кардыналы атрымаюць з рук Бэнэдыкта ХVI пурпурныя
берэты – знак кардынальскай годнасці. Святы Айцец уручыць таксама кожнаму з іх залаты
пярсцёнак, які сімвалізуе адзінства Калегіі кардыналаў з Пантыфікам і паведаміць аб
прызнаным ім касцёле або дыяконіі. Адразу пасля гэтага адбудзецца звычайная публічная
кансісторыя, якая будзе мець на мэце разгляд справы кананізацыі сямі благаслаўлёных.
У
другой палове дня ў пакоях Апостальскага Палацу ў Ватыкане з 16.30 да 18.30 новыя
кардыналы будуць прымаць віншаванні ад вернікаў. У нядзелю, 19 лютага, у 9.30 пурпураты
разам са Святым Айцом адправяць св. Імшу у ватыканскай базыліцы.